Kaliforniyada yanğınlar nəticəsində dəyən ziyan 135-150 milyard dollara çatıb.

APA xəbər verir ki, bu barədə “AccuWeather” xidməti məlumat yayıb.

Məlumatda Los-Ancelesə dəyən ziyanın və iqtisadi itkilərin 135-150 milyard dollar aralığında olacağını təxmin etdikləri bildirilib.

İndiyə olan məlumata görə, yanğınlar nəticəsində ən azı 10 nəfər ölüb.

Rəsmilərə görə, yanğın nəticəsində bu həftə 10,000-dən çox ev, bina və digər tikililər yanıb.

Saysız-hesabsız evlər külə çevrilməkdə davam edir. Alovlar 150,000-ə yaxın insanın təxliyəsinə səbəb olub.

Yanğınsöndürmə rəsmiləri yanğınların səbəblərini hələ bilmədiklərini, lakin fəal şəkildə araşdırma apardıqlarını deyirlər.

Los-Anceles dairəsinin şerifi Robert Luna bildirib ki, yanğınlar onun indiyədək gördüyü ən pis yanğınlardan biridir. “Bu ərazilərə sanki atom bombası atılıb”.

Oxşar xəbərlər

ABŞ-də yanğınlardan dəyən zərər 150 milyard dollar təşkil edə bilər

JPMorgan: Kaliforniyada meşə yanğınlarında sığortaçıların itkiləri 20 milyard dollara çatır

Bayden Kaliforniya yanğınlarını ştat tarixində ən dağıdıcı yanğın adlandırıb

Los-Ancelesdə yanğın nəticəsində dəyən ziyan 50 milyard dolları keçə bilər

Kaliforniyada yanğınlar davam edir, ölənlərin sayı 7-yə çatıb