ABŞ prezidenti Co Bayden Konqresdən Ukraynaya 5,8 milyard dollar məbləğində hərbi yardım göstərmək səlahiyyətinin uzadılması barədə sorğu göndərib.

APA xəbər verir ki, bu barədə “The Hill” öz mənbələrinə istinadən xəbər verir.

“Bayden administrasiyası Konqresdən Ukraynaya silah satışı üçün prezidentin səlahiyyətini 2025-ci ilə qədər uzatmağı xahiş edib ki, sentyabrın 30-dan sonra təxminən 5,8 milyard dollar əldə etsin.”, - deyə məlumatda deyilir.

Nəşrin məlumatı aldığı mənbənin sözlərinə görə, Konqres Kiyevə silah ayırmaq səlahiyyətini uzatmasa, prezident administrasiyası eyni həcmdə Ukraynaya birdəfəlik hərbi yardım paketini elan edə bilər.

Qeyd edək ki, bundan əvvəl də Pentaqonun sözçüsü Patrik Rayder Pentaqonun Ukraynaya yardım üçün ixtiyarında 5,9 milyard dollar olduğunu, lakin istifadə müddətinə az qaldığını demişdi. Onun sözlərinə görə, ABŞ Konqresi gələcək maliyyə ili üçün Pentaqonun səlahiyyətlərini artırmalıdır.

Oxşar xəbərlər

Reuters: Ağ Ev Ukraynaya yardım üçün 6 milyard dollardan istifadə etməyə çalışır

KİV: ABŞ İsrailə silah alışı üçün 3,5 milyard dollar verəcək