ABŞ Kamboca və Tayland arasında sülh danışıqlarına dəstək verəcək

ABŞ administrasiyası Kamboca və Tayland arasında münaqişəтin sülh yolu ilə həllinə dəstək verəcək.

Sizinxeber.az xəbər verir ki, bu barədə ABŞ Dövlət katibi Marko Rubionun Dövlət Departamentinin mətbuat xidməti tərəfindən yayımlanan bəyanatında deyilir.

“Dövlət Departamentinin nümayəndələri bu sülh səylərinə dəstək vermək məqsədilə Malayziyadadırlar. Həm ABŞ prezidenti Donald Tramp, həm də mən hər iki ölkənin rəsmiləri ilə əlaqəni davam etdiririk və vəziyyəti çox diqqətlə izləyirik. Biz istəyirik ki, bu münaqişə mümkün qədər tez başa çatsın”, – deyə bəyanatda bildirilir.