Azərbaycan İTX-20 H istehsal edib.

APA xəbər verir ki, texnika ilk dəfə bu il Bakıda keçirilən “ADEX-2024” Azərbaycan Beynəlxalq Müdafiə Sərgisində nümayiş etdirilir.

İTX-20 H MRAP sinfi şəxsi heyətin daşınması üçün nəzərdə tutulub. Çəkisi 19, 5 ton olan nəqliyyat vasitəsi zirehlə təchiz olunub. Eyni zamanda, nəqliyyat vasitəsi atış qülləsi ilə təmin olunub. Şəxsi heyətə daha tez dəstək olmasına və təhlükəsiz çatmasını təmin edir. Qeyd edək ki, texnika tank əleyhinə minalara, pulemyot atəşinə tam dözümlüdür.

"Improtex Group" MMC-nin minatəmizləmə layihəsi üzrə meneceri Fərid Abdullayev jurnalistlərə açıqlamasında deyib ki, hərbi təyinatlı zirehli nəqliyyat vasitələrinin sifarişçiləri arasında Cənubi Asiya və Cənubi Amerika regionunda yerləşən ölkələr var.

O bildirib ki, şirkətin öncüllüyü ilk növbədə, daxili ehtiyacların ödənilməsidir:

"İstehsalçısı olduğumuz "ITX" markalı bu zirehli nəqliyyat vasitələri ilk növbədə 3-4 aylıq testlərə cəlb olunmalıdır. Bizim ixraca da böyük marağımız var. Çünki müdafiə sənayesi özü özlüyündə iqtisadiyyatın mühüm bir hissəsidir. Türkiyədə bu, inkişaf etmiş və böyük ixrac potensialı olan bir sahədir. Biz inanırıq ki, Azərbaycanda gündən günə, aydan aya inkişaf edəcək".

“ITX-15 M” barədə məlumat verən nümayəndə qeyd edib ki, bu maşın tibbi təxliyə üçün nəzərdə tutulub, zəruri avadanlıqlar ilə təchiz edilib.

"Bu texnika tam yerli istehsaldır. Həm mina təmizləyənlər, həm də “ITX-15 M” yerli mühəndislik məktəbinin nümayəndələridir".

Emin Şirvanzadə

Fərid Azəri

Oxşar xəbərlər

Azərbaycan yeni zirehli texnika istehsal edib

Azərbaycan 3 adda yeni pulemyot istehsal edib

Fransanın Ukraynada PUA və texnika üçün istehsal etdiyi avadanlıqların 30%-i Ermənistana ayrılır

Azərbaycanda uzaqdan idarə olunan minatəmizləmə maşınlarının istehsalı artıb - FOTO

Polşa Rusiya ilə sərhədə zirehli texnika və dronlar yerləşdirəcək