Azərbaycan Dövlət Turizm Agentliyi və Turizm Bürosunun təşkilatçılığı ilə ölkəni təmsil edən turizm sənayesi nümayəndələri Hindistanın Nyu-Delhi şəhərində keçirilən “BLTM” (“Business+Leisure Travel and MICE”) sərgisində ilk dəfə iştirak edir.

"Report" xəbər verir ki, bu barədə DTA məlumat yayıb.

Bildirilib ki, sərginin açılış mərasiminə ATB-nin Baş icraçı direktoru Florian Zenqstşmid də qatılıb.

Sərgidə ölkəni Turizm Bürosu ilə birgə “Şahdağ" Turizm Mərkəzi daxil olmaqla, ümumilikdə 9 yerli turizm sənayesi nümayəndəsi təmsil edir.

Görüşlər zamanı Hindistanın turizm sənayesi nümayəndələri Azərbaycanda mövcud turizm məhsulları, mədəni irs, milli mətbəx nümunələri, qış turizmi və dağ-xizək mərkəzləri, şərabçılıq turizmi, sağlamlıq turizmi, ekoturizm imkanları, eləcə də Hindistanın film və toy təşkilatçılığı üzrə ixtisaslaşmış sənaye nümayəndələrinə Azərbaycanın bu istiqamətdə təklif etdiyi məhsullar haqqında ətraflı məlumat təqdim olunur.

Həmçinin Hindistanın turizm üzrə aparıcı şirkətləri ilə keçirilən B2B görüşlərdə Azərbaycanda işgüzar tədbirlərin təşkili üzrə mövcud infrastruktur və bütövlükdə ölkəmizin turizm potensialı haqqında məlumat verilir.

Qeyd edək ki, 2024-cü ilin yanvar-iyul aylarında Azərbaycana səfər edən Hindistan vətəndaşlarının sayı 139 109 nəfər təşkil edib ki, bu da ötən ilin eyni dövrü ilə müqayisədə 151 % artım təşkil edir.

Oxşar xəbərlər

Azərbaycan Hindistanda keçiriləcək beynəlxalq turizm sərgisinə qatılacaq

"Şahdağ Turizm Mərkəzi" sığortaçı seçib

Azərbaycan və Albaniya turizm sahəsində əməkdaşlıq istiqamətlərini müəyyən ediblər

Azərbaycan və Qazaxıstanın turizm assosiasiyaları arasında Əməkdaşlıq Memorandumu imzalanıb

"Şahdağ Turizm Mərkəzi"nin yığılmış zərəri 100 milyon manatı keçib