Mayın 11-də Dənizkənarı bulvar ərazisində yerləşən Avropa oyunları parkında Gənclər və İdman Nazirliyi, Azərbaycan Basketbol Federasiyasının birgə təşkilatçılığı ilə dövlət qurumlarının əməkdaşları arasında 3x3 basketbol idman növü üzrə turnir keçirilib.

Bu barədə APA-ya FHN-in mətbuat xidmətindən məlumat verilib.

Bildirilib ki, 8 dövlət qurumunun iştirak etdiyi yarışda Fövqəladə Hallar Nazirliyinin kişilərdən ibarət basketbol komandası yüksək nəticə əldə etməyi bacarıb. Belə ki, 4 oyun keçirən FHN-in komandası yarışın yarımfinal mərhələsində Azərbaycan Dövlət İnformasiya Agentliyinin komandasını 15:1 hesabı ilə məğlub edərək finala vəsiqə qazanıb. Final görüşündə Gənclər və İdman Nazirliyinin komandası ilə qarşılaşan FHN-in komandası 14:6 hesabı ilə qələbə əldə edərək çempion adını qazanıb.

Qaliblər Gənclər və İdman Nazirliyinin diplom və medalı ilə mükafatlandırılıb.

12 may 2025-ci il tarixində FHN-in İdman-sağlamlıq klubunun rəisi polkovnik Füzuli Musayev çempion komandanın üzvləri ilə görüşərək qazandıqları nailiyyətə görə təbrik edib və gələcək yarışlarda uğurlar arzulayıb.

Qeyd edək ki, 2023-cü ildə dövlət qurumları arasında keçirilən basketbol üzrə çempionatda FHN-in kişilərdən ibarət komandası 2-ci yerə, 2024-cü ildə isə çempion adına layiq görülüb.

Oxşar xəbərlər

Dövlət qurumları arasında basketbol üzrə respublika birincilyinin qalibi məlum olub [xfgiven_updateblue][/xfgiven_updateblue]

FHN-in kişilərdən ibarət voleybol komandası yarışın çempionu olub [xfgiven_updateblue][/xfgiven_updateblue]

FHN-in voleybol komandası dövlət qurumları arasında keçirilən yarışın qalibi olub [xfgiven_updateblue][/xfgiven_updateblue]

FHN-in komandaları beynəlxalq turnirdə yüksək nəticə göstəriblər [xfgiven_updateblue][/xfgiven_updateblue]

Dövlət qurumlarının əməkdaşları arasında yarış keçirilib [xfgiven_updateblue][/xfgiven_updateblue]