AFFA-nın təşkilatçılığı ilə aprelin 26-27-də Qubada 14 yaşadək qız şagirdlər arasında “Qızlar Futzal Kuboku” layihəsi keçiriləcək.

"Report" milli assosiasiyanın rəsmi saytına istinadən xəbər verir ki, Quba Olimpiya İdman Kompleksində baş tutacaq turnirin ilk günündə 8 məktəbin iştirakı ilə qrup oyunları, növbəti gün isə pley-off mərhələsinin qarşılaşmaları baş tutacaq.

İştirakçılar idman geyimi, top və gödəkçələrlə təmin olunacaq. Tədbirin son günündə qaliblər diplom, medallar və müxtəlif nominasiyalar üzrə mükafatlandırılacaqlar.

Qeyd edək ki, UEFA-nın dəstəyi ilə təşkil ediləcək “Qızlar Futzal Kuboku” yarışının ümumilikdə 4 regionda keçirilməsi planlaşdırılır. Layihənin reallaşmasında əsas məqsəd orta məktəb şagirdləri arasında sağlam həyat tərzinin düzgün şəkildə təbliği, futbola marağın artırılması, kütləviliyin təmin olunması, həmçinin gələcəkdə AFFA U-15 Qızlar Liqasına və milli komandalara futbolçuların hazırlanmasıdır.

Oxşar xəbərlər

Lənkəranda 14 yaşadək şagirdlər arasında “Qızlar Futzal Kuboku” keçiriləcək

Qaxda 14 yaşadək şagirdlər arasında “Qızlar Futzal Kuboku” keçiriləcək

Lənkəranda UEFA-nın dəstəyi ilə turnir keçiriləcək

AFFA futzal üzrə ənənəvi “Payız turniri” keçirəcək

Cüdo üzrə yeniyetmə qızlar arasında ACF Kuboku keçiriləcək