Ukrayna Prezidenti Volodimir Zelenski kəşfiyyata və orduya Rusiyanın müharibəni genişləndirmək üçün istifadə etdiyi obyektlərə qabaqlayıcı zərbələr endirməyi əmr edib.

"Sizinxeber.az" xəbər verir ki, bu barədə o, öz teleqram kanalında bildirib.

Prezidentin sözlərinə görə, Rusiya hava hücumundan müdafiə (HHM) sistemlərini digər istiqamətlərdən çıxararaq Moskvaya, Valdaya və Krım körpüsünə daha yaxın yerlərdə cəmləşdirir.

"Təkcə Moskva regionuna onlar S-400, S-500 və "Pantsir" sistemləri üçün yüzlərlə buraxılış qurğusu yerləşdirilib. Rusiyanın digər regionlarından Valdaya 90-a yaxın HHM buraxılış qurğusu cəmləşdirilib, Rusiya rəhbərliyinin rahatlığını qorumaq üçün orada həmçinin xüsusi HHM diviziyası formalaşdırılır", - Zelenski bildirib.

Onun sözlərinə görə, artıq Rusiyanın 60-dan çox regionunda yanacaq qıtlığı, eləcə də benzin və dizelin qiymətlərində kəskin artım müşahidə olunur. Zelenski bildirib ki, Ukraynanın əməliyyatları, o cümlədən Krımdakı əməliyyatlar dəqiq hesablanıb. "Əgər Ukrayna tərəfdaşlarla haqqında danışdıqlarımızı əldə edərsə, o zaman biz operativ şəkildə elə şərait təmin edəcəyik ki, Rusiya sülhü seçməyə məcbur qalsın", - Ukrayna lideri bildirib.

Oxşar xəbərlər

Zelenski: Rusiyanın enerji obyektlərinə zərbələr ədalətli cavabdır

Zelenski: Ukrayna Rusiya FTX-nın qərargahına zərbə endirib

Zelenski: Ukrayna Rusiyanın 2 min kilometr dərinliyindəki hədəflərə zərbələr endirir

Zelenski: Rusiyanın bir sıra mühüm obyektlərinə zərbələr endirilib

Zelenski Makronla HHM sahəsində əməkdaşlığı müzakirə edib