DÇ-2026-nın Cənubi Amerika zonası üzrə seçmə mərhələsində XIV turun oyunları keçirilib.

Apasport.az xəbər verir ki, Boliviya və Uruqvay arasında görüş 0:0 hesabı ilə bitdikdən sonra Argentina mundiala vəsiqəni təmin edib.

Sona 4 tur qalmış bu hüququ qazanan son dünya çempionu günün mərkəzi qarşılaşmasında Braziliyanı sınağa çəkib. Argentinalılar rəqibini darmadağın edib – 4:1.

Turun 5 matçından üçü heç-heçə nəticələnib.

Argentina yığması bununla mundiala vəsiqə qazanan 4-cü komanda olub. Lionel Skaloninin yetirmələri Bolviya və Uruqvayın da qolsuz heç-heçəsi sayəsində DÇ-2026-ya vəsiqəni təmin edib.

Bunadək Yaponiya, Yeni Zelandiya və İran da mundiala vəsiqə qazanıb.

Qeyd edək ki, yarışın ev sahibləri ABŞ, Meksika və Kanada mundiala birbaşa vəsiqə ilə qatılacaq.

DÇ-2026-nın Cənubi Amerika zonası üzrə seçmə mərhələsi

XIV tur
25 mart

Boliviya – Uruqvay – 0:0

Argentina – Braziliya – 4:1

Çili – Ekvador – 0:0

Kolumbiya – Paraqvay – 2:2

Venesuela – Peru – 1:0

Oxşar xəbərlər

DÇ-2026: Argentina xal itirib

DÇ-2026-nın seçmə mərhələsi: Argentina və Braziliya məğlub olub

DÇ-2026-nın seçmə mərhələsi: Argentina yığması böyükhesablı qələbə qazanıb

Messi yığmağa çağırılmayıb

İngiltərə qələbə qazanıb, Rumıniya rəqibini darmadağın edib