UEFA Gənclər Liqasının II təsnifat mərhələsində İsveçrə təmsilçisi “Bazel” klubunun 19 yaşadək futbolçulardan ibarət komandası ilə qarşılaşacaq "Sabah" klubu Avropada yaşayan azərbaycanlılara müraciət edib.

"Report" klubun mətbuat xidmətinə istinadən xəbər verir ki, paytaxt təmsilçisi səfər matçında azarkeşləri tribunalardan dəstək verməyə çağırıb.

Matçı stadiondan izləmək istəyən tərəfdarların qeydiyyatdan keçməsi xahiş olunub. Həmin azarkeşlər qarşılaşmanı izləmək üçün biletlə təmin ediləcəklər.

Qeyd edək ki, "Bazel" və "Sabah"ın U-19 komandalarının görüşü oktyabırın 23-də, “St. Yakop-Park” stadionunda baş tutacaq.

Oxşar xəbərlər

"Sabah"ın UEFA Gənclər Liqasındakı rəqibi müəyyənləşib

"Sabah"ın baş məşqçisi: Mümkün rəqiblər arasında ən çətin olanı ilə qarşılaşacağıq