Bizim məşqçilərin Özbəkistanda təlim keçməsi hələlik gündəmdə deyil, amma yaxın zamanda oradan nümayəndə heyətinin gəlməsi və hər iki cüdo federasiyasının strateji inkişaf planı ilə bağlı qarşılıqlı təqdimatlar edilməsi gözlənilir. Eyni zamanda daha konkret addımlar atılması, tədbirlərin həyata keçirilməsi üçün müvafiq müzakirələr aparılacaq.

Bu fikirləri "Report"a açıqlamasında Azərbaycan Cüdo Federasiyasının icraçı vitse-prezidenti Rəşad Rəsullu Özbəkistan Cüdo Federasiyasının prezidenti Azizjon Komilovla Bakıda görüşü barədə danışarkən deyib.

O, müzakirə mövzusu olan məsələləri açıqlayıb:

"Özbəkistan Cüdo Federasiyasının rəhbərinin səfərinin əsas məqsədi milli komandalar üçün təlim-məşq mərkəzi ilə tanış olmaq idi. Ona ötən il istifadəyə verilmiş təlim-məşq mərkəzi barədə ətraflı məlumat verildi. Daha sonra hər iki ölkənin cüdo federasiyaları arasında qarşılıqlı əməkdaşlıq imkanları, yəni qarşılıqlı təlim-məşq toplanşılarının təşkili, idman tibbi sahəsində əməkdaşlıq, hər iki ölkədə keçirilən beynəlxalq yarışlarda iştirak kimi məsələlər müzakirə olundu. Həmçinin Beynəlxalq Cüdo Federasiyasının akademiyasında təhsil alacaq Özbəkistan məşqçilərinin seminarlara qatılmaq və imtahan vermələri üçün regional mərkəz statusu almış Azərbaycan Cüdo Federasiyasında iştirak məsələləri müzakirə olundu".

Oxşar xəbərlər

Özbəkistan Cüdo Federasiyasının prezidenti Bakıya gəlib

Beynəlxalq Cüdo Federasiyasının prezidenti milli komandaların Təlim-Məşq Mərkəzində olub

Məşqçilərin Beynəlxalq Cüdo Federasiyasının Akademiyasında təhsili davam edir

Qusarda yeni Cüdo Təlim Mərkəzi açılıb

Azərbaycan Cüdo Federasiyasının prezidenti milli komandaların üzvləri ilə görüşüb