Braziliyanın "San Paulo" futbol klubunun müdafiəçisi Patrik Braziliya çempionatında "Palmeyras"la oyunda huşunu itirib.

"Sizinxeber.az" xarici KİV-ə istinadən xəbər verir ki, hadisə ilk hissənin əvvəlində baş verib.

21 yaşlı Patrik "Palmeyras"ın oyunçusu ilə toqquşub, qazona yıxılıb və huşunu itirib.

Futbolçu xəstəxanaya çatdırılıb, həkimlər ona lazımi köməklik göstəriblər.

Qeyd edək ki, görüş 2:1 hesabı ilə "Palmeyras"ın xeyrinə başa çatıb.