Səudiyyə Ərəbistanı millisinin müdafiəçisi Səud Əbdülhəmid pasportunun oğurlanması səbəbindən 2026-cı il dünya çempionatı öncəsi yığmanın təlim-məşq toplanışına gecikib.

"Report" xəbər verir ki, bu barədə Səudiyyə Ərəbistanı Futbol Federasiyasının mətbuat xidməti məlumat yayıb.

Bildirilib ki, futbolçunun avtomobili ailəsi ilə birlikdə toy mərasimində iştirak etmək üçün getdiyi Amsterdam şəhərində qarət olunub. Hadisə nəticəsində şəxsi əşyalar, o cümlədən pasport oğurlanıb.

Federasiyanın açıqlamasında qeyd olunub ki, Əbdülhəmid planlaşdırıldığı kimi bu gün Ər-Riyada yola düşə bilməyib.

26 yaşlı müdafiəçi 2025/2026 mövsümünü icarə əsasında Fransanın "Lans" klubunda keçirib. Futbolçunun transfer hüquqları isə İtaliyanın "Roma" komandasına məxsusdur.

Qeyd edək ki, 2026-cı il dünya çempionatı 11 iyun – 19 iyul tarixlərində ABŞ, Kanada və Meksikada keçiriləcək. Səudiyyə Ərəbistanı millisi H qrupunda İspaniya, Kabo-Verde və Uruqvayla mübarizə aparacaq.

Oxşar xəbərlər

Georgios Donis Səudiyyə Ərəbistanı milli komandasının baş məşqçisi olub

Roberto Mançini Səudiyyə Ərəbistanı millisinin baş məşqçisi postundan ayrılıb

"Roma" Səudiyyə Ərəbistanından olan müdafiəçi ilə anlaşıb

PSJ-nin yarımmüdafiəçisi Səudiyyə Ərəbistanı klubuna keçib

"Mançester Siti"dən ayrılan futbolçunun Səudiyyə Ərəbistanı klubuna keçidi rəsmiləşib