İran yüksək zənginləşdirilmiş uranı Çinə daşınması şərti ilə öz ərazisindən çıxarmağa hazırdır.

"Sizinxeber.az" xəbər verir ki, bunu "Al Arabiya" və "Al Hadath" telekanallarına yüksəkvəzifəli mənbələr açıqlayıb.

Mənbələrin məlumatına görə, Tehran həmçinin ABŞ ilə mümkün razılaşmadan əvvəl Pekindən zəmanət almağa çalışır.

Xatırladaq ki, fevralın 28-də ABŞ və İsrail İrana qarşı hərbi əməliyyatlara başlayıb və bir sıra şəhərlərə hava zərbələri endirilib. Həmin gün zərbələr nəticəsində İranın Ali rəhbəri Əli Xamenei öldürülüb. İran buna cavab olaraq İsrail ərazisinə və Fars körfəzi ölkələrindəki ABŞ hərbi bazalarına hücum edib.

İran, ABŞ və onların müttəfiqləri aprelin 8-ə keçən gecə atəşkəs razılaşmasına nail olublar. Tramp sonradan atəşkəsi qeyri-müəyyən müddətə uzadıb.

Tərəflər münaqişəni həll etmək üçün Pakistanda danışıqlar aparıblar, lakin 11-12 apreldə keçirilən ilk raund heç bir nəticə verməyib.

ABŞ Tehrana təzyiq göstərmək üçün İran limanlarını və Hörmüz boğazından keçidi blokadaya alıb. İran da öz növbəsində Fars körfəzinə gedən gəmilər üçün Hörmüz boğazının bağlandığını elan edib. Regionda dinamik şəkildə dəyişən vəziyyət qlobal enerji böhranına səbəb olub.

Oxşar xəbərlər

Tramp: ABŞ İranın zənginləşdirilmiş uran ehtiyatlarını əldə etmək istəyir

İran ABŞ sanksiyalarını dəstəkləyən ölkələrin gəmilərinin Hörmüzdən keçidini bloklayacaq

Uolts: Tramp lazım gəlsə, İrana qarşı hərbi əməliyyatlara qayıtmağa hazırdır

Marko Rubio: İran raket ehtiyatlarının yarısını saxlayıb

Levitt: Tramp İranın üçmərhələli danışıqlar barədə təklifini müzakirə edib