"Tbilisiyə təyyarə ilə getmək baha olduğu üçün 6 ildir ki, ata yurduma getmirəm. Lakin qatarla səyahət etmək qiymət baxımından çox sərfəlidir".

"Sizinxeber.az" xəbər verir ki, bu sözləri Bakı-Tbilisi marşrutu üzrə hərəkət edən qatarın sərnişini Vəliyyədin Yusifov bildirib.

"Allah Prezident İlham Əliyevə can sağlığı versin ki, bu şəraiti bizim üçün yaradıb. Tbilisiyə 102 manata biletimi alıb, həyat yoldaşımla birlikdə gedəcəyəm", - deyə o əlavə edib.

Qeyd edək ki, bu gün pandemiyadan sonra ilk dəfə Bakı–Tbilisi istiqamətində sərnişin qatarı fəaliyyətə başlayır. Reyslər İsveçrənin "Stadler Rail Group" şirkətinin istehsalı olan müasir yataq tipli vaqonlarla həyata keçiriləcək.

Qatarlarda restoran bölməsi və müxtəlif komfort sinifləri mövcuddur. İlkin hərəkət cədvəlinə əsasən, qatarlar hər gün Bakıdan saat 23:10-da çıxacaq və növbəti gün saat 08:41-də Tbilisiyə çatacaq. Tbilisidən Bakıya isə saat 21:00-da yola düşərək səhər saatlarında paytaxta çatacaq.

Bakı–Tbilisi–Bakı marşrutu üzrə qatarlara Azərbaycan ərazisində Bakı Dəmiryol Vağzalı, Biləcəri, Yevlax, Gəncə, Ağstafa və Böyük Kəsik stansiyalarında, Gürcüstan ərazisində isə Qardabani stansiyası və Tbilisi Dəmiryol Vağzalında dayanacaq veriləcək.

Oxşar xəbərlər

ADY rəsmisi: Sərnişinlərin daha aşağı tarifli səyahət imkanları araşdırılacaq

Bakıdan Tbilisiyə qatarlar hər gün saat 23:10-da yola düşəcək

Bakı-Tbilisi qatarının sərnişini: Gürcüstandakı soydaşlarımızı görmək üçün çox əziyyət çəkirdik

Bakı–Tbilisi qatarlarında restoran, multimedia və duş kabinələri olacaq

Bakı–Tbilisi–Bakı sərnişin qatarlarının hərəkət cədvəli açıqlanıb