"İdman həftəsi" çərçivəsində gənclər və idman naziri Fərid Qayıbov ötən ay ərzində qitə və dünya çempionatlarında, nüfuzlu beynəlxalq yarışlarda ölkəmizi uğurla təmsil etmiş Azərbaycan idmançıları və onların məşqçiləri ilə görüşüb.

"Report" xəbər verir ki, Azərbaycan İdman Akademiyasında təşkil edilən görüş Dövlət Himnimizin səsləndirilməsi ilə başlanıb.

Ardınca “Azərbaycan Respublikasının İdman Ustası” dərəcəsinə layiq görülmüş bəzi idmançılara müvafiq vəsiqə və döş nişanları təqdim edilib. Daha sonra Fərid Qayıbov ölkəmizi beynəlxalq arenalarda uğurla təmsil etdikləri üçün idmançıları təbrik edib və yeni uğurlar arzulayıb.

Ay ərzində beynəlxalq yarışlarda qazanılmış uğurları əks etdirən videoçarxlar nümayiş olunub. Atletika, batut gimnastikası, kişi idman gimnastikası, tamblinq, cüdo, güllə atıcılığı, sərbəst güləş, yunan-Roma güləşi, qadın güləşi, taekvondo, stolüstü tennis, parabadminton, savat assault, savat kombat, karate idman növlərinin təmsilçiləri çıxış etdikləri yarışlar, qazandıqları qələbələr barədə məlumat veriblər.

Oxşar xəbərlər

Fərid Qayıbov sentyabrda ölkəmizi beynəlxalq yarışlarda uğurla təmsil etmiş idmançılarla görüşüb

Fərid Qayıbov qitə və dünya çempionatlarında çıxış edən Azərbaycan idmançıları ilə görüşüb

Fərid Qayıbov qitə və dünya çempionatlarında uğur qazanmış Azərbaycan idmançıları ilə görüşüb

Fərid Qayıbov Avropa Stolüstü Tennis Birliyinin icraçı prezidenti ilə görüşüb

Fərid Qayıbov "Gənc idman liderləri" proqramının iştirakçıları ilə görüşüb