SSRİ voleybol yığmasının heyətində olimpiya çempionu olmuş Vladimir Doroxov 71 yaşında vəfat edib.

“Report” xəbər verir ki, bu barədə Ümumrusiya Voleybol Federasiyasının mətbuat xidməti məlumat yayıb.

Keçmiş voleybolçunun ölüm səbəbi açıqlanmayıb.

Qeyd edək ki, V.Doroxov 1980-ci ildə Moskvada SSRİ yığmasının tərkibində olimpiadanın qızıl medalını qazanıb. Həmçinin 1976-cı ildə Kanadada keçirilən Yay Olimpiya Oyunlarının gümüş medalını əldə edib. Doroxov ikiqat dünya çempionu (1978, 1982), Dünya Kubokunun ikiqat qalibi (1977, 1981), həmçinin dördqat Avropa çempionudur (1975, 1977, 1979, 1981). O, Tbilisinin "Burevestnik", Moskvanın ÇSKA və Sankt-Peterburqun "Avtomobilist" komandalarında çıxış edib.

Oxşar xəbərlər

SSRİ yığması ilə olimpia çempionu olmuş idmançı vəfat edib

SSRİ yığmasının heyətində olimpiadanın qalibi olmuş basketbolçu vəfat edib

Üçqat olimpiya və yeddiqat dünya çempionu olmuş güləşçi vəfat edib

Rusiyalı ikiqat dünya çempionu vəfat edib

İkiqat olimpiya çempionu vəfat edib