Azərbaycanın kişilərdən və qadınlardan ibarət milliləri Macarıstanın paytaxtı Budapeştdə təşkil olunan 45-ci Ümumdünya Şahmat Olimpiadasında bu gün III turun görüşlərini keçirəcək.

"Report"un məlumatına görə, kişilərdən ibarət yığma Moldova ilə qarşılaşacaq.

Qadınlardan ibarət milli isə Argentina ilə üz-üzə gələcək.

Qeyd edək ki, kişilərdən ibarət yığmamız buna qədər İordaniya (3,5:0,5) və Finlandiyanı (3,5:0,5) məğlub edib. Qadınlardan ibarət komandamız isə Nikaraqua (4:0) və Avstraliyadan (3:1) üstün olub.

Teymur Rəcəbovun kapitanı olduğu kişilərdən ibarət millidə Şəhriyar Məmmədyarov, Rauf Məmmədov, Nicat Abasov, Aydın Süleymanlı və Məhəmməd Muradlı yer alıblar.

Kapitanı Mixail Şereşevski olan qadınlardan ibarət kollektiv isə Günay Məmmədzadə, Gövhər Beydullayeva, Xanım Balacayeva, Ülviyyə Fətəliyeva və Gülnar Məmmədovadan ibarətdir.

Oxşar xəbərlər

Ümumdünya Şahmat Olimpiadası: Azərbaycan milliləri növbəti görüşlərini keçirəcək

Ümumdünya Şahmat Olimpiadası: Azərbaycan milliləri mübarizəyə başlayır

Ümumdünya Şahmat Olimpiadası: Azərbaycan şahmatçısı yarışa qələbə ilə başlayıb

Ümumdünya Şahmat Olimpiadası: Azərbaycanın kişilərdən ibarət yığması qalib gəlib

Ümumdünya Şahmat Olimpiadası: Azərbaycan millisi qələbə qazanıb