Fövqəladə Hallar Nazirliyinin (FHN) "112" qaynar telefon xəttinə Yevlax şəhərində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

Bu barədə "Sizinxeber.az"a FHN-dən bildirilib.

Məlumatla əlaqədar FHN-nin Aran Regional Mərkəzinin xilasetmə qüvvələri çağırış üzrə cəlb olunublar.

Əməliyyat şəraiti qiymətləndirilərkən müəyyən olunub ki, "Honda" markalı minik avtomobili yol kənarındakı dəmir maneəyə çırpılıb və 1 nəfər avtomobildə sıxılmış vəziyyətdə qalıb.

Həyata keçirilən xilasetmə tədbirləri nəticəsində avtomobildə sıxılı vəziyyətdə qalan 1 nəfər deformasiyaya uğrayan nəqliyyat vasitəsindən çıxarılaraq təcili tibbi yardım briqadasına təhvil verilib.

Oxşar xəbərlər

Qubada yol qəzası olub, xəsarət alan var

Bakıda avtomobil səkiyə çırpılıb, xəsarət alan var

Masallıda minik avtomobili dəmir maneəyə çırpılıb, bir nəfər xəsarət alıb

Gədəbəydə avtomobil maneəyə çırpılıb, xəsarət alan var

Bakıda iki “KamAz” toqquşub, xəsarət alan var