Qazaxıstanın Aktau şəhərində təyyarə qəzasında xəsarət alan Qırğızıstan vətəndaşı Rinat Asanovun daşınması üçün təyyarə hazırdır.

“Sizinxeber.az” Qırğızıstan KİV-lərinə istinadən xəbər verir ki, bunu Qırğızıstan Prezidentinin mətbuat katibi Askat Alaqozov bildirib.

O vurğulayıb ki, R.Asanovun hazırkı vəziyyəti ağır olaraq qalır və daşınma onun üçün təhlükəli ola bilər: “Həkimlər icazə verən kimi o, vətəninə aparılacaq. Buna görə də hazırda o, yerli xəstəxanada tibbi yardım alır və müalicə olunur”.

Qırğızıstanın digər iki vətəndaşının vəziyyəti qənaətbəxş qiymətləndirilir və onların xəstəxanadan bazar ertəsi buraxılması planlaşdırılır. Bu barədə səhiyyə naziri Alımkadır Beyşenaliyev ölkə Prezidenti Sadır Japarova təyyarə qəzasında xəsarət alanlara xüsusi diqqət göstərilməsi ilə bağlı tapşırığının icrası barədə məruzəsində bildirib.

Oxşar xəbərlər

Rusiya Səhiyyə Nazirliyi: Təyyarə qəzasında xəsarət alanlardan ikisinin vəziyyəti ağır olaraq qalır

AZAL-ın təyyarəsində olan hər üç Qırğızıstan vətəndaşı sağ qalıb

Qazaxıstan Səhiyyə Nazirliyi: Aktauda Azərbaycanın üç vətəndaşının müalicəsi davam etdirilir

Təyyarə qəzasında xəsarət alan Rusiya vətəndaşları Moskvaya aparılacaq

Qırğızıstan təyyarə qəzası ilə əlaqədar Qazaxıstana nümayəndə heyəti göndərəcək