Sumqayıt şəhərində yerləşən hamamda ümumi sahəsi 600 kv/m olan ərazidə yanğın başlayıb, 100 kvm ərazi yanıb.

Bunu APA-ya açıqlamasında Sumqayıt DYM idarəsinin rəisi Mirfuad Mahmudov deyib.

Bildirib ki, qısa müddət ərzində yanğının digər obyektlərə keçməsinin qarşısı alınıb və söndürülüb. Yanğından xəsarət alan olmayıb.

***
21:42

Sumqayıt şəhərində yerləşən hamamda baş vermiş yanğın Fövqəladə Hallar Nazirliyinin qüvvələri tərəfindən genişlənməsinə imkan verilmədən qısa müddətdə söndürülüb.

APA xəbər verir ki, bu barədə FHN Mətbuat xidməti məlumat yayıb.

***
21:38

Fövqəladə Hallar Nazirliyinin “112" qaynar telefon xəttinə Sumqayıt şəhərində yerləşən hamamda yanğın baş verməsi barədə məlumat daxil olub.

APA xəbər verir ki, bu barədə FHN məlumat yayıb.

Məlumatla əlaqədar dərhal əraziyə FHN-in Dövlət Yanğından Mühafizə Xidmətinin və Sumqayıt Regional Mərkəzinin qüvvələri cəlb olunub.

Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər nəticəsində yanğın genişlənməsinə imkan verilmədən qısa müddətdə məhdudlaşdırılıb.

Yanğının tam söndürülməsi istiqamətində işlər davam etdirilir.

***
21:15

Sumqayıtda “Bəy hamamı” adlanan obyektdə yanğın baş verib.

APA xəbər verir ki, hadisə Çerkassı küçəsində qeydə alınıb.

Əraziyə aidiyyatı qurumlar cəlb olunub.

Yanğının yaxınlıqdakı yaşayış evlərinə keçməsinin qarşısı alınıb.

Oxşar xəbərlər

Sumqayıtda hamamda baş verən yanğın söndürülüb - VİDEO - YENİLƏNİB-1

Sumqayıtda açıq ərazidə yanğın söndürülüb - YENİLƏNİB-1

Sumqayıtda açıq ərazidə yanğın söndürülüb - YENİLƏNİB-1 - FOTO

Binəqədi rayonunda obyektdə yanğın baş verib - VİDEO

Sumqayıtda yataqxanada partlayış olub - YENİLƏNİB