Oğuzda baba və azyaşlı nəvəsini maşın vurub.

Sizinxeber.az-nın Şimal-qərb bürosunun məlumatına görə, hadisə axşam saatlarında Oğuz şəhəri H. Əliyev prospektində baş verib.

Rayonun Calut kənd sakini İsrai Xələfzadə idarə etdiyi “VAZ 21015” markalı avtomobillə rayonun Muxas kənd sakini 1959-cu il təvəllüdlü Etibar Yoməddin oğlu Fərhadov və onun azyaşlı nəvəzi 2021-ci il təvəllüdlü Həsən Elsevər oğlu Fərhadovu vurub.

Qəza zamanı müxtəlif dərəcəli bədən xəsarətləri alan E. Fərhadov və H. Fərhadov Oğuz Rayon Mərkəzi Xəstəxanasına (RMX) yerləşdiriliblər.

Oğuz RMX-da E. Fərhadova ilkin yardım göstərildikdən sonra müayinə və müalicə olunmaq üçün Qəbələ RMX-a göndərilib.

Azyaşlının xəsarəti yüngül olduğundan ambulator müalicə almaq şərti ilə evə buraxılıb.

Faktla bağlı Oğuz rayon polis Şöbəsində araşdırma aparılır.

Oxşar xəbərlər

Şəkidə 15 yaşlı yeniyetməni maşın vurub

Zaqatalada 69 yaşlı piyadanı maşın vuraraq öldürüb

Oğuzda qəzada 1 nəfər ölüb, bir ailənin 4 üzvü xəsarət alıb - VİDEO

Şəkidə avtomobil 15 yaşlı yeniyetməni vuraraq öldürüb - YENİLƏNİB

Şəkidə 69 yaşlı piyadanı maşın vurub