Fövqəladə Hallar Nazirliyinin “112” qaynar telefon xəttinə Sabirabad şəhəri, Muğan prospektində yerləşən ticarət mərkəzində yanğın baş verməsi barədə məlumat daxil olub.

APA FHN-ə istinadən xəbər verir ki, məlumatla əlaqədar hadisə yerinə cəlb olunan FHN-in Dövlət Yanğından Mühafizə Xidməti Sabirabad Rayon Yanğından Mühafizə Hissəsinin qüvvələri tərəfindən əməliyyat şəraitinə uyğun olaraq həyata keçirilən operativ və təxirəsalınmaz tədbirlər sayəsində yanğın genişlənməsinə imkan verilmədən qısa müddətdə söndürülüb.

Yanğın nəticəsində ümumi sahəsi 600 kv.m. olan ikimərtəbəli ticarət mərkəzinin 2-ci mərtəbəsində tavan və dam örtüyünün yanar konstruksiyaları 150 kv.m. sahədə və geyim əşyaları satılan mağazasının içərisində mallar 20 kv.m. sahədə yanıb.

Ticarət mərkəzinin qalan hissəsi yanğından mühafizə olunub. Xəsarət alan olmayıb.

Oxşar xəbərlər

Sabirabadda ticarət mərkəzində yanğın olub

Goranboy rayonunda yanğın baş verib - VİDEO

Qaradağda yanğın olub - YENİLƏNİB - VİDEO

Binəqədi rayonunda obyektdə yanğın baş verib - VİDEO

FHN Binəqədidə inzibati binada yanğınla bağlı məlumat yayıb - VİDEO