İran nümayəndə heyəti ABŞ Prezidenti Donald Trampın təhdid xarakterli açıqlamalarından sonra İsveçrənin Bürqenştok şəhərində keçirilən danışıqları tərk edib.

Oxu.Az xəbər verir ki, bu barədə "Tasnim" agentliyi məlumat yayıb.

Məlumata görə, İran nümayəndə heyətinin üzvlərindən biri bildirib ki, Livandakı hərbi əməliyyatlar dayandırılmayana qədər dialoq bərpa olunmayacaq.

İran parlamentinin sədri Məhəmməd Baqir Qalibaf isə "X" hesabında paylaşımı ilə diqqət çəkib.

Spiker ABŞ-ın təhdidlərini əhəmiyyətsiz saydıqlarını bildirib.

"Biz amerikalıların təhdidlərini ciddi hesab etmirik", - deyə o yazıb.

Qalibaf əlavə edib ki, ABŞ rəsmiləri səsləndirdikləri bəyanatlara diqqət etməlidirlər.

Xatırladaq ki, daha əvvəl İran nümayəndə heyətinin ABŞ tərəfinə Donald Trampın İrana qarşı yeni zərbələr endirilə biləcəyi ilə bağlı bəyanatlarına etirazını çatdırdığı bildirilmişdi.

Həmçinin qeyd olunurdu ki, Tehran ABŞ liderinin açıqlamalarına cavab olaraq müxtəlif addım variantlarını nəzərdən keçirir.

Oxşar xəbərlər

Qalibaf Trampın təhdidlərinə cavab verib

KİV: İran nümayəndə heyəti ABŞ ilə danışıqlar aparmaq üçün Pakistana gəlib

İran rəsmiləri ABŞ nümayəndə heyəti ilə birgə foto çəkdirməkdən imtina edib

Qalibaf Trampın İran-ABŞ danışıqları ilə bağlı açıqlamalarını təkzib edib

"Fars": İran və ABŞ nümayəndə heyətləri İslamabada çatıb