İsrail ordusu Livandan geri çəkilməyəcəyi halda, İran ABŞ ilə aparılan danışıqları dayandıracaq.

"Report" xəbər verir ki, bu barədə "Tasnim" agentliyi məlumat yayıb.

"ABŞ və İran prezidentləri arasında İslamabad memorandumunun 1-ci bəndi, yəni Livan da daxil olmaqla, bütün cəbhələrdə müharibənin dayandırılması və Livanın suverenliyi, ərazi bütövlüyünün təminatı yerinə yetirilmədiyi halda, Tehranla Vaşinqton arasında bütün digər məsələlər üzrə istənilən danışıqlar dayandırılacaq", - məlumatda bildirilib.

Qeyd olunub ki, danışıqların başlaması üçün bütün zəruri şərtlər yerinə yetirilmədən və xüsusən də 13-cü bəndə əməl olunmadan İran tərəfindən heç bir addım atılmamalıdır:

"13-cü bənddə vurğulanır ki, istənilən danışıqlar prosesinin başlaması 1-ci bəndin yerinə yetirilməsindən asılıdır və əgər bu bənd həyata keçirilərsə, razılaşma və danışıqlar başlayacaq, əks halda, danışıqların heç bir mənası yoxdur".

Qeyd edək ki, ABŞ və İran arasında İsveçrədə danışıqlar aparılır.

Oxşar xəbərlər

İslamabad razılaşmasının bəzi detalları açıqlanıb

İran Livanda atəşkəs olmadan danışıqların növbəti mərhələsinə keçməyəcəyini bildirib

Bəqai: İran nümayəndə heyəti bir neçə saatdan sonra İsveçrəyə yola düşəcək

KİV: ABŞ ilə İran arasında birbaşa olmayan danışıqlar keçiriləcək

Bəqai: Danışıqların keçirilməsi ABŞ-nin atəşkəs şərtlərinə əməl etməsindən asılıdır