İsrail Müdafiə Qüvvələri Baş Qərargah rəisi general-leytenant Eyal Zamir Livanda elan edilmiş atəşkəsi kövrək adlandırıb və hərbçilərə döyüş əməliyyatlarının yenidən başlamasına hazır olmaları barədə göstəriş verib.

Sizinxeber.az xəbər verir ki, bu barədə İsrail ordusunun mətbuat xidməti məlumat yayıb.

Zamir Livanın cənubunda yerləşdirilmiş İsrail bölmələrinə səfəri zamanı bildirib ki, mövcud atəşkəs sabit deyil və ordunun yüksək hazırlıq vəziyyətini qoruması vacibdir.

“Elan edilmiş atəşkəs kövrəkdir. Biz döyüş əməliyyatlarının yenidən başlamasına, təhdidlərin aradan qaldırılmasına və zərurət yaranacağı halda əməliyyatlara sürətlə qayıtmağa hazır olmalıyıq”, – deyə o vurğulayıb.

Baş Qərargah rəisinin sözlərinə görə, İsrail ordusunun bütün resursları bu məqsədə yönəldilib.

“Biz mübarizəni davam etdiririk. Məqsədimiz dəyişməz olaraq qalır – İsrailin şimalındakı yaşayış məntəqələrini və mülki əhalini qorumaqdır”, – deyə Zamir əlavə edib.

Oxşar xəbərlər

İsrail Ordusu Tehranda daha çox hədəf vuracaq

İsrailin Baş Qərargah rəisi: İranla mübarizəmiz bitməyib

İsrail Livanda “Hizbullah”ın 3 üzvünü əsir götürdüyünü açıqlayıb

Eyal Zamir İsrailin Livanda hərbi əməliyyatları davam etdirmək planlarını təsdiqləyib

İsrail Qəzzanı ilhaq planını təsdiqləyib