Fövqəladə Hallar Nazirliyinin “112” qaynar telefon xəttinə Goranboy rayonu, Goran qəsəbəsində yanğın baş verməsi barədə məlumat daxil olub.

Bu barədə APA-ya FHN-dən məlumat verilib.

Bildirilib ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin Goranboy rayon Yanğından Mühafizə Hissəsinin qüvvələri cəlb olunub. Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində yol kənarında baş vermiş yanğın geniş sahələrə yayılmasına imkan verilmədən qısa müddətdə söndürülüb.

Yanğın nəticəsində təxminən 500 kv.m. sahədə kol-kos və qamışlıq yanıb.

Ətraf ərazilər, o cümlədən, ağaclar yanğından mühafizə olunub.

Oxşar xəbərlər

Qubadlıda 20 hektar sahədə yanğın olub, alovun genişlənməsinin qarşısı alınıb - VİDEO

Səbaildə açıq sahədə yanğın tam söndürülüb - YENİLƏNİB-1 - VİDEO

Xətai rayonunda baş vermiş yanğın söndürülüb - YENİLƏNİB - FOTO

Qobu qəsəbəsində geyim malları anbarında yanğın olub - VİDEO