Ucarda xəsarətlə nəticələnən yol-nəqliyyat hadisəsi baş verib.

Sizinxeber.az-nın yerli bürosunun xəbərinə görə, hadisə bu gün Bakı-Qazax əsas magistral yolunun rayonun "dörd yol" adlanan ərazisindən keçən hissəsində qeydə alınıb.

Ucar rayon sakini, 1997-ci il təvəllüdlü Tinel Ağahüseyn oğlu Cavadlının idarə etdiyi "VAZ-2107" markalı minik maşını ilə Yevlax rayon sakini, 1987-ci il təvəllüdlü Əzim Rafiq oğlu Məmmədovun idarə etdiyi "Nissan" markalı minik maşını toqquşub.

Nəticədə Ucar rayon sakini, 1974-cü il təvəllüdlü Əhliman Vəli oğlu Məhərrəmov və Yevlax rayon sakini, 1986-cı il təvəllüdlü Amaliya Qəzənfər qızı Məmmədova xəsarət alıblar.

Zərərçəkənlər müxtəlif xəsarətlərlə Ucar Mərkəzi Rayon xəstəxanasına yerləşdiriliblər.

Faktla bağlı araşdırma aparılır.

Oxşar xəbərlər

Salyanda minik avtomobili yük maşını ilə toqquşub, xəsarət alanlar var

Ucarda qəza olub, ölən var

Ucarda 7 yaşlı məktəblini maşın vurub

Sumqayıtda qəza baş verib, 2 nəfər xəsarət alıb

Göygöldə iki maşın toqquşub, ölən və xəsarət alanlar var