Fövqəladə Hallar Nazirliyi tərəfindən görülmüş zəruri və təxirəsalınmaz tədbirlər sayəsində Cəlilabad rayonunun Zopun kəndi istiqamətində dağlıq ərazidə baş vermiş yanğın tam söndürülüb.

APA xəbər verir ki, bu barədə FHN-in Mətbuat xidməti məlumat yayıb.

Məlumata görə, yanğın nəticəsində meşə təsərrüfatına məxsus ərazidə 1.5 hektar sahədə kol-kos və kənd bələdiyyəsinə məxsus ərazidə 150 hektar sahədə quru ot, kol-kos yanıb. Meşə zolağı yanğından mühafizə olunub.

Qeyd edilib ki, yanğınla mübarizə tədbirlərində FHN-in Aviasiya dəstəsinin iki ədəd helikopteri, Dövlət Yanğından Mühafizə və Xüsusi Riskli Xilasetmə xidmətlərinin qüvvələri, həmçinin Ekologiya və Təbii Sərvətlər Nazirliyinin Regional Meşə Təsərrüfatı Mərkəzi və Cəlilabad Rayon İcra Hakimiyyətinin əməkdaşları iştirak edib.

Oxşar xəbərlər

Cəlilabadda dağlıq ərazidəki yanğın tam söndürülüb

Gədəbəydə meşə yanıb

Gədəbəydə mürəkkəb relyefli dağlıq ərazidə yanğın olub

Cəlilabadda dağlıq ərazidə baş verən yanğın məhdudlaşdırılıb - FOTO - VİDEO - YENİLƏNİB-4

Qəbələdə dağlıq ərazidə yanğın olub, meşə yanğından mühafizə edilib - VİDEO - FOTO