Türkiyə Milli Kəşfiyyat Təşkilatının (MİT) terror təşkilatı İŞİD-ə qarşı keçirdiyi əməliyyat zamanı saxlanılan təşkilatın media strukturunun məsul şəxslərindən biri sayılan Əhməd Kazancı həbs olunub.

"Sizinxeber.az" xəbər verir ki, bu barədə "Haber Global" məlumat yayıb.

Məlumata görə, sərhəd bölgəsində yaxalanaraq Türkiyəyə gətirilən A.Kazancının Konya Polis İdarəsinin Terrorla Mübarizə Şöbəsində dindirilməsi başa çatdırılıb.

Daha sonra məhkəməyə çıxarılan şübhəli barəsində həbs qətimkan tədbiri seçilib.

Qeyd olunub ki, MİT İŞİD terror təşkilatının "Xorasan Vilayəti" (ISKP) qruplaşmasının media şəbəkəsinə qarşı həyata keçirdiyi əməliyyat çərçivəsində "Əbu Ubeydə" və "Əbu İbrahim" kod adlarından istifadə edən Əhməd Kazancı sərhəd bölgəsində ələ keçirilib.

Oxşar xəbərlər

İstanbulda İŞİD-ə qarşı əməliyyat keçirilib, 6 nəfər həbs edilib

Türkiyə kəşfiyyatı Suriyada əməliyyat keçirib, 10 İŞİD üzvü saxlanılıb

İstanbulda terror aktına hazırlaşan İŞİD üzvü ələ keçirilib

Suriya kəşfiyyatı İŞİD-in başçılarından birini həbs edib

Türkiyədə İŞİD-lə əlaqədə şübhəli bilinən 139 nəfər saxlanılıb