
Sumqayıtda müəssisə ərazisində baş verən yanğın söndürülüb - YENİLƏNİB

Sumqayıtda müəssisə ərazisində baş verən yanğın söndürülüb - YENİLƏNİB
Sumqayıtda müəssisə ərazisində yanan məişət tullantıları söndürülüb.
“Sizinxeber.az”un yerli bürosu məlumat verir ki, ərazidə təxminən 2000 kvadratmetr sahədə qamışlıq və məişət tullantıları yanıb. Yanğınla bağlı dərhal Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikası hadisə yerinə cəlb olunub.
Yanğın qısa müddət ərzində məhdudlaşdırılaraq tam söndürülüb. Alovun yaxınlıqda yerləşən avtomobil təmiri sexlərinə keçməsinin qarşısı alınıb.
Hadisənin səbəbi araşdırılır.
Sumqayıt şəhərində yanğın hadisəsi qeydə alınıb.
“Sizinxeber.az”un yerli bürosu məlumat verir ki, hadisə şəhərin Koroğlu prospektində yerləşən müəssisələrin birinin daxilində baş verib.
Əraziyə toplanan məişət tullantıları yanır.
Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikası cəlb olunub. Hazırda yanğının söndürülməsi istiqamətində tədbirlər görülür.