Dünya dini liderləri Ağdam Cümə məscidində camaat namazı qılıb - FOTO

Ağdam Cümə məscidində dünya dini liderlərinin iştirakı ilə camaat namazı qılınıb.

Sizinxeber.az xəbər verir ki, Türkiyənin Diyanət İşləri İdarəsinin sədri Əli Ərbaş azan verdikdən sonra möminlər namaza başlayıblar.

Qeyd edək ki, Dünya Dini Liderlərinin Qlobal Sammitinin iştirakçıları Qarabağda səfərdədirlər. Səfər çərçivəsində müxtəlif ölkələrin din və hökumət nümayəndələri Qafqaz Müsəlmanları İdarəsinin sədri Şeyxülislam Allahşükür Paşazadənin rəhbərliyi ilə işğaldan azad olunmuş ərazilərdə erməni vandalizminə məruz qalmış dağıntılarla, eyni zamanda, bərpa-quruculuq işləri ilə tanış olacaqlar, dini ibadət evlərini ziyarət edəcəklər.