ADA Universiteti ilə “Bayraktar Texnoloji Azərbaycan” MMC arasında elm və təhsil sahələrində qarşılıqlı əməkdaşlığın qurulmasına dair Anlaşma Memorandumu imzalanıb.

"Report"un məlumatına görə, mayın 15-i keçirilən imzalama mərasimində sənədi ADA Universitetinin Rektoru, səfir Hafiz Paşayev və “Bayraktar Texnoloji Azərbaycan” MMC-nin direktoru Hüseyin Topuz imzalayıblar.

Sənədə əsasən tərəflər çoxşaxəli akademik fəaliyyətlər üzrə əməkdaşlıq edəcəklər. Hər iki qurum tədris prosesinin təkmilləşdirilməsi üçün birgə tədbirlərin həyata keçirilməsi, ortaq kursların hazırlanması, tələbə və müəllimlər üçün təlimlərin icrası da daxil olmaqla qarşılıqlı maraqdan irəli gələn bir sıra istiqamətlər üzrə tərəfdaşlıq edəcəklər.

Həmçinin Memorandum çərçivəsində birgə tədqiqat layihələri irəli sürüləcək, konfrans və seminarlar təşkil ediləcək.

Razılaşmaya əsasən, ADA Universitetinin tələbələri üçün “Bayraktar Texnoloji Azərbaycan”da təcrübə və iş imkanları yaradılacaq.

Memorandumun qüvvədə olduğu üç il ərzində tərəflər birgə fəaliyyəti təşviq etmək məqsədilə mütəmadi olaraq əməkdaşlığın qiymətləndirilməsi və gələcək təşəbbüslərin müzakirəsi üçün görüşlər təşkil edəcəklər.

Oxşar xəbərlər

ADA Universiteti və Respublika Uşaq Kitabxanası arasında Memorandum imzalanıb [xfgiven_updateblue][/xfgiven_updateblue]

İlahiyyat İnstitutu və Ərzincan Binəli Yıldırım Universiteti arasında əməkdaşlıq protokolu imzalanıb [xfgiven_updateblue][/xfgiven_updateblue]

NDU İstanbul Universiteti ilə əməkdaşlıq edəcək [xfgiven_updateblue][/xfgiven_updateblue]

Bayraktar: "TEKNOFEST" Şimali Kiprdə də keçiriləcək [xfgiven_updateblue][/xfgiven_updateblue]

BDU ilə İslamabad Fond Universiteti arasında anlaşma memorandumu imzalanıb [xfgiven_updateblue][/xfgiven_updateblue]