Azərbaycan Respublikasında rəsmi səfərdə olan Şimali Makedoniya Respublikasının Prezidenti Qordana Silyanovska-Davkova martın 11-də Bakıda Zəfər parkını ziyarət edib.

"Report" xəbər verir ki, burada ali qonağın şərəfinə fəxri qarovul dəstəsi düzülmüşdü.

Şimali Makedoniya Prezidenti Zəfər abidəsinin önünə əklil qoydu.

Sonra ali qonağa Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm tarixi Zəfərin yaddaşlarda yaşadılması, şəhidlərimizin əziz xatirəsinin əbədiləşdirilməsi məqsədilə yaradılmış Zəfər parkı barədə ətraflı məlumat verildi. Bildirildi ki, ərazisi 10 hektara yaxın olan parkın girişində 44 günlük Vətən müharibəsinin rəmzi kimi hündürlüyü 44 metr, eni 22 metr, sütunlarının sayı 44 olan Zəfər tağı inşa edilib.

Xatırladaq ki, parkın açılışı 2024-cü il noyabrın 8-də Azərbaycan Prezidenti İlham Əliyev və birinci xanım Mehriban Əliyevanın iştirakı ilə olub.

Oxşar xəbərlər

Somali Prezidenti Bakıda Zəfər parkını ziyarət edib [xfgiven_updateblue][/xfgiven_updateblue]

Qvineya-Bisau Prezidenti Bakıda Zəfər parkını ziyarət edib [xfgiven_updateblue][/xfgiven_updateblue]

Qazaxıstanın Baş naziri Bakıda Zəfər parkını ziyarət edib [xfgiven_updateblue][/xfgiven_updateblue]

Pakistanın Baş naziri Zəfər parkını ziyarət edib [xfgiven_updateblue][/xfgiven_updateblue]

Şimali Makedoniya Prezidentinin rəsmi qarşılanma mərasimi olub [xfgiven_updateblue][/xfgiven_updateblue]