Bolqarıstanın xarici işlər naziri Georq Georgiyev Azərbaycana səfər edəcək.

“Report” xəbər verir ki, bu barədə Bolqarıstanın Azərbaycandakı səfiri Ruslan Stoyanov Bakıda Bolqarıstanın Milli Azadlıq Gününə həsr olunmuş tədbirdə bildirib.

Səfirin sözlərinə görə, nazir martın 13-15-də paytaxtımızda keçiriləcək Qlobal Bakı Forumuna qatılacaq.

Diplomat xatırladıb ki, bu yaxınlarda Münxen Təhlükəsizlik Konfransı çərçivəsində Azərbaycan və Bolqarıstan xarici işlər nazirlərinin görüşü keçirilib və burada geniş spektrli məsələlər müzakirə olunub.

“Nazirlər – Georq Georgiyev və Ceyhun Bayramov həmin görüşdə strateji tərəfdaşlığın iqtisadi, ticari və enerji aspektlərini, həmçinin regional və beynəlxalq təhlükəsizlik məsələlərini müzakirə ediblər”, - o deyib.

Oxşar xəbərlər

Bolqarıstan Azərbaycanla enerji sahəsində əməkdaşlığın inkişafına ümid edir

Bolqarıstanın baş naziri martın 6-da istefa verəcək

Azərbaycan və Latviya XİN başçıları regional və beynəlxalq təhlükəsizlik məsələlərini müzakirə ediblər

Ceyhun Bayramov Bavariyanın dövlət naziri ilə regional əməkdaşlığın perspektivlərini müzakirə edib

Fariz Rzayev: Bakı və Sofiya iqtisadi əməkdaşlıqda enerjiyə xüsusi diqqət yetirir