ABŞ-nin yeni Prezidenti Donald Trampın administrasiyasının Cənubi Qafqazla bağlı siyasətini proqnozlaşdırmaq hələlik çətindir.

“Sizinxeber.az” xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.

"Tramp administrasiyasının Cənubi Qafqazla bağlı siyasətini proqnozlaşdırmaq çətindir. Ötən illərin təcrübəsi göstərir ki, qeyri-regional oyunçuların müdaxilə cəhdləri heç bir yaxşı nəticə verməyib", - o qeyd edib.

M.Zaxarova qeyd edib ki, Rusiya Azərbaycan və Ermənistan arasında birbaşa dialoqu dəstəkləməyə davam edir və həmişə iki ölkəyə, vətəndaş cəmiyyəti arasında əlaqələrin inkişafına, kommunikasiyaların açılmasına dəstək verməyə hazırdır.

"3+3 platformasına gəlincə, bu, Cənubi Qafqaz ölkələrinin dialoq qurması üçün perspektivli mexanizmdir. Onun öz vəzifələri və məqsədləri var, qarşılıqlı maraq doğuran istiqamətlər üzrə mütərəqqi inkişaf var. Heç bir gizli gündəlik yoxdur, hər şey açıq şəkildə bəyan edilib", - o əlavə edib.

Oxşar xəbərlər

Zaxarova: Rusiya Cənubi Qafqaz regionunda tezliklə sülhün bərqərar olmasında maraqlıdır

Zaxarova: Bakı ilə İrəvan arasında sülh Cənubi Qafqazda təhlükəsizliyin təminatı üçün ilkin şərtdir

Zaxarova: Rusiya “3+3” formatına Cənubi Qafqazda sülhün açarı kimi baxır

Zaxarova: Qərbin Ermənistana destruktiv təsiri Cənubi Qafqazda nəqliyyat marşrutlarının açılmasına mane olur

Zaxarova: Rusiya Cənubi Qafqazda nəqliyyat kommunikasiyalarının açılmasını tam dəstəkləyir