Azərbaycan və Gürcüstanın birgə həyata keçirdiyi meqalayihələr uğurlu regional əməkdaşlığın nümunəsidir, sözügedən layihələr Cənubi Qafqazın transformasiyasına xidmət edir.

APA xəbər verir ki, bunu Azərbaycanın Baş Naziri Əli Əsədov Gürcüstan Azərbaycan İqtisadi Əməkdaşlıq üzrə Hökumətlərarası Komissiyanın 10-cu sessiyasında çıxışı zamanı deyib.

Əli əsədov birgə iqtisadi layihələrlə rayonun enerji və nəqliyyat xəritəsinin dəyişdiyini vurğulayıb.

“Burada Cənub Qaz Dəhlizini xüsusi qeyd etmək lazımdır. Ölkələrimiz bu strateji layihənin həyata keçirilməsində mühüm rol oynayır. SOCAR Gürcüstan bazarına qaz tədarükünü davam etdirir. Neft sahəsində də əməkdaşlığımız uğurla davam edir. Ötən il Bakı-Tbilisi-Ceyhan neft boru kəməri ilə 30 milyon tona qədər neft nəql edilib. Kulevi terminalı ilə neft emalı zavodu arasında əməkdaşlıq məsələsi hazırda aktualdır. Bununla bağlı artıq saziş imzalanıb və yaxın vaxtlarda Kulevi terminalından xam neft və neft məhsullarının daşınmasına başlanacaq. Eyni zamanda, bu gün biz birlikdə Avropaya yaşıl enerji körpüsü qururuq. Qara dəniz sualtı elektrik enerjisi kabeli layihəsi Azərbaycan, Gürcüstan, Rumıniya və Macarıstanda həyata keçirilir. Bu layihə Avropanın enerji təhlükəsizliyi üçün mühüm amildir”, - deyə Əli Əsədov bildirib.

Oxşar xəbərlər

Kobaxidze: Azərbaycan Gürcüstanın ən mühüm strateji tərəfdaşlarından biridir

Bakıda Azərbaycan-Gürcüstan Hökumətlərarası Komissiyasının 10-cu iclası keçirilir

Kobaxidze: Gürcüstanla-Azərbaycan strateji tərəfdaşlığı regional sabitliyin təmin edilməsində həlledici rol oynayır

Qara dəniz sualtı elektrik enerjisi kabeli layihəsi 2030-cu ilədək tamamlanacaq

Azərbaycan və Gürcüstan nəqliyyat dəhlizi sahəsində əməkdaşlıq memorandumu imzalayacaq