Azərbaycan Gürcüstanın beş əsas ticarət tərəfdaşından biridir.

APA xəbər verir ki, bunu Gürcüstanın Baş naziri İrakli Kobaxidze Gürcüstan-Azərbaycan Hökumətlərarası İqtisadi Komissiyasının 10-cu sessiyasında bildirib.

Hökumət başçısının Azərbaycan Gürcüstanın ən mühüm strateji tərəfdaşlarından biri olduğunu vurğulayıb.
“Regional əməkdaşlıq kontekstində enerji və nəqliyyat marşrutlarının uğurlu fəaliyyətinin təmin edilməsi, mövcud münaqişələrin nizamlanması və regionda təhlükəsizliyin təşviq edilməsi vacibdir. Bu gün biz təbii olaraq mövcud iqtisadi, ticari, enerji və nəqliyyat layihələri, onların əhəmiyyəti üzərində dayanacağıq. Bu iqtisadi layihələr ölkələrimizin cəlbediciliyini xeyli artırır. Azərbaycan son bir neçə ildə ölkəmiz üçün ilk beş ticarət tərəfdaşı arasındadır. Bu baxımdan Azərbaycan Gürcüstanın ən mühüm strateji tərəfdaşlarından biridir. Biz Bakı-Tbilisi-Ceyhan neft kəməri, Bakı-Tbilisi-Ərzrum qaz kəməri, Bakı-Tbilisi-Qars dəmir yolu, Cənub Qaz Dəhlizi layihələri, “Orta Dəhliz” layihəsi, həmçinin Qara dəniz sualtı kabel layihəsi kimi vacib regional layihələr həyata keçiririk. Birgə səylərimizi enerji təhlükəsizliyinin və enerji müstəqilliyinin təmini və təşviqi istiqamətində yönəltməliyik”, - deyə İrakli Kobaxidze bildirib.

Oxşar xəbərlər

Kobaxidze: Gürcüstanla-Azərbaycan strateji tərəfdaşlığı regional sabitliyin təmin edilməsində həlledici rol oynayır

İrakli Kobaxidze: Gürcüstan üçün regional əməkdaşlıq çox vacibdir

Kobaxidze Azərbaycana gəlir

Prezident İlham Əliyev Gürcüstanın Baş naziri ilə görüşüb - YENİLƏNİB

İrakli Kobaxidze ilk xarici səfərini Brüsselə edib