Azərbaycanın Rusiya təbii qazını Qərbə satmağına dair iddialar açıq-aydın dezinformasiyanın bariz nümunəsi oldu. Azərbaycan Rusiya qazını Qərbə satmır.

APA-nın Türkiyə müxbirinin verdiyi xəbərə görə, bu barədə Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev İstanbulda STRATCOM-2024 çərçivəsində Azərbaycana həsr olunmuş paneldə bildirib.

Hikmət Hacıyevin sözlərinə görə, 44 günlük Vətən müharibəsi və antiterror əməliyyatı zamanı da Azərbaycana qarşı çox sayda dezinformasiya qeydə alınıb.

Prezidentin köməkçisi qeyd edib ki, Azərbaycan süni intellektdən istifadə edərək dezinformasiya ilə mübarizə aparıb.

Hikmət Hacıyev vurğulayıb ki, müharibənin bitməsinə baxmayaraq, Azərbaycana qarşı dezinformasiya siyasəti davam etdirilir və Azərbaycan bu məsələni Ermənistanla danışıqlar zamanı qarşı tərəfin diqqətinə çatdırır.

Prezidentin köməkçisi onu da əlavə edib ki, dezinformasiya kampaniyaları Bakıda keçirilən COP29-la da bağlı aparılıb.

Hikmət Hacıyev onu da diqqətə çatdırıb ki, Türkiyə və Azərbaycan ikitərəfli formatda və TDT çərçivəsində süni intellekt sahəsində də əməkdaşlıq edir.

Oxşar xəbərlər

Hikmət Hacıyev İsrail Prezidenti ilə görüşüb [xfgiven_updateblue][/xfgiven_updateblue]

Hikmət Hacıyev Türkiyə səfiri ilə görüşüb [xfgiven_updateblue][/xfgiven_updateblue]

Hikmət Hacıyev: Azərbaycan COP29 ərəfəsində dezinformasiya dalğası ilə üzləşsə də, bu bizə mane olmayacaq [xfgiven_updateblue][/xfgiven_updateblue]

Hikmət Hacıyev: Dezinformasiya xəbərlərlə manipulyasiya etməyə imkan verir [xfgiven_updateblue][/xfgiven_updateblue]

Hikmət Hacıyev Rusiya Prezidentinin xüsusi nümayəndəsi ilə görüşüb [xfgiven_updateblue][/xfgiven_updateblue]