Bu gün həm Azərbaycan, həm də Türkiyəyə qarşı güclü lobbiçilik fəaliyyəti var.

"Sizinxeber.az" xəbər verir ki, bunu türkiyəli general Yücel Karauz Sosial Tədqiqatlar Mərkəzinin təşkilatçılığı ilə "Parlamentlər və qlobal sanksiya tendensiyaları: qanunvericilik orqanında siyasi lobbiçilik beynəlxalq hüquqa maneədir" mövzusunda kitab təqdimatına həsr edilmiş dəyirmi masada çıxışı zamanı deyib.

O bildirib ki, belə olan halda hər iki dövlət güclü olmalı, birgə mübarizə aparmalıdır.

General xatırladıb ki, bu gün Türkiyə və Azərbaycana qarşı dezinformasiya müharibəsi aparılır: "ABŞ və Fransa bu müharibənin əsas tərəfləridir. Məsələn, "erməni soyqırımı" iddiası onların ortaya atdığı yalandır. Azərbaycan və Türkiyəyə, bütövlükdə türk dünyasına qarşı hücumları aradan qaldıracağımıza inanıram. Çünki biz haqlıyıq".

Oxşar xəbərlər

Zahid Oruc: Biz İrəvanı Qərbin əlindən almalıyıq

Norveç Türkiyəyə qarşı tətbiq etdiyi sanksiyanı aradan qaldırıb