Azərbaycanda turizm və rekreasiya zonalarının ərazilərində qadağan edilən hallar müəyyənləşir.

“Report” xəbər verir ki, bu, Milli Məclisin Əmək və sosial siyasət komitəsinin bugünkü iclasında müzakirəyə çıxarılan “Turizm haqqında” qanuna edilən dəyişiklik layihəsində əksini tapıb.

Dəyişikliyə əsasən, turizm və rekreasiya zonalarının ərazilərində aşağıdakılar qadağan edilir:

- kimya sənayesi, metallurgiya, nüvə energetikası ilə bağlı fəaliyyət,
- iri sənaye müəssisələrinin, texnoloji avadanlıq və maşınqayırma sənayesi müəssisələrinin fəaliyyəti;
- tullantıların zərərsizləşdirilməsi, emalı müəssisələrinin fəaliyyəti, habelə bu məqsədlə qurğuların, poliqonların quraşdırılması ilə bağlı fəaliyyət
- “Ətraf mühitə təsirin qiymətləndirilməsi haqqında” qanunun əlavəsində nəzərdə tutulan fəaliyyət növləri üzrə ətraf mühitə təsirin qiymətləndirilməsi sənədi (MTQ) tərtib edilmədən və həmin sənədin dövlət ekoloji ekspertizası keçirilmədən həyata keçirilən fəaliyyət, habelə ətraf mühitə təsirin qiymətləndirilməsinin aparılması tələb olunmayan, lakin dövlət ekoloji ekspertizasının obyekti olan və dövlət ekoloji ekspertizasının müsbət rəyi olmadan həyata keçirilən digər fəaliyyət

Mövcud dəyişiklik parlamentin plenar iclasına tövsiyə olunub.

Oxşar xəbərlər

Azərbaycanda “Turizm və rekreasiya zonalarının Nümunəvi Əsasnaməsi” təsdiq edilib [xfgiven_updateblue][/xfgiven_updateblue]

Turizm və Rekreasiya Zonalarının İdarə Edilməsi və İnkişafı Mərkəzi yaradılıb [xfgiven_updateblue][/xfgiven_updateblue]

Özəlləşdirilməsi qadağan edilən dövlət əmlakının siyahısına dəyişiklik olunur [xfgiven_updateblue][/xfgiven_updateblue]

Müharibə veteranları üçün yeni güzəşt müəyyənləşir [xfgiven_updateblue][/xfgiven_updateblue]

Bakıda neft-kimya müəssisələrinin 2 ərazidə zonalaşdırılması təklif olunur [xfgiven_updateblue][/xfgiven_updateblue]