Şəhid qardaşı onun ailə üzvlərinin gözündə hər zaman gənc yaşında olduğu kimi qalacağını bildirib.

Bu barədə “Sizinxeber.az”un Qarabağ bürosunun əməkdaşı ilə söhbətdə mayın 16-da Ağcabədidə dəfn olunan Birinci Qarabağ müharibəsinin şəhidi Miriş Rüstəmovun qardaşı Fəzail Rüstəmov danışıb.

O, 33 il ərzində aqibətindən xəbər tuta bilmədikləri qardaşının axtarışını heç vaxt dayandırmadıqlarını vurğulayıb:

“Çox şükür, qardaşımın nəşini dəfn etdik, gözümüz yoldan yığıldı. Yaşasaydı, 52 yaşı olacaqdı. Ancaq o hər zaman bizim gözümüzdə 20 yaşında olduğu kimi qalacaq.

Bu illər ərzində onu çox yerdə axtardıq. Müxtəlif rayonlara getdik, döyüş yoldaşlarını tapıb danışdırdıq. Onlar qardaşımın iştirak etdiyi son döyüşdə ayağından yaralandığını, daha sonra isə onu görmədiklərini dedilər. Arzu edirəm ki, itkin şəhidlərimizin hamısının nəşi aşkarlanıb dəfn olunsun, ailələri bununla təskinlik tapsın”.

Oxşar xəbərlər

Şəhid qardaşı: Anam onun həsrəti ilə bu dünyadan köçdü

Şəhid qardaşı: Onun məzarının artıq harada olduğunu bilmək bizim üçün təsəllidir

Şəhidin qardaşı: Başda Prezidentimiz olmaqla şəhidlərimizin və qazilərimizin sayəsində qardaşımın nəşi tapılıb

Şəhid qardaşı: Əsgər yoldaşları onun dəfn edildiyi ilkin yeri bizə bildirmişdilər

Şəhid qardaşı: Onun tapılması üçün axtarışlara fasilə vermirdik