Suqovuşan cənnətdir, dünya ölkələrinin bu cənnəti görmələrini çox istəyirəm.

Bu fikirləri "Report"un Qarabağ bürosunun Ağdərəyə ezam olunan əməkdaşına açıqlamasında bu gün Suqovuşan kəndinə köç edən sakin Ulduza Yusifova deyib.

O, doğma yurda köçdüyünə görə çox sevincli olduğunu bildirib.

"Bu sevinci bizə yaşadan şəhidlərimizin ruhu qarşısında baş əyirik. Onların sayəsində doğma yurduna qayıdan köçkünlər kimi biz də sevincimizi qürurla yaşayırıq. Uzun illərdən sonra kəndimizin təmiz havasını udub, suyundan içəcəyik. Düzdür, Azərbaycanın hər yeri gözəldir. Amma Suqovuşan mənim üçün dünyanın cənnətidir. Bütün dünya ölkələrinin qısa zamanda yenilənən və inkişaf edən Suqovuşanı görmələrini arzulayıram", - deyə sakin qeyd edib.

Oxşar xəbərlər

Ballıcaya qayıdan sakin: Yenidən qayğısız günlərimizi yaşayacağıq

Şuşaya qayıdan sakin: Bu günü 32 il həsrətlə gözləmişik

Ağdərəyə köçən sakin: Doğma kəndimiz köçkünlük illərinin ağrı-acısını unutduracaq