Uşaqlığımızın keçdiyi o doğma həyət-bacamızda yenidən o qayğısız günlərimizi yaşayacağıq.

Bunu "Sizinxeber.az"un Qarabağ bürosunun Xocalıya ezam olunan əməkdaşı ilə söhbətində bu gün Xocalı rayonuna köçən Ballıca kənd sakini Ehtiram Məmmədov deyib.

Doğma yurduna dönən Ballıca sakini sevinc hisslərini belə ifadə edib:

"Bu günü 30 ildən çoxdur həsrətlə gözləyirdik. Bu gün Xocalının Ballıca kəndi sakinlərinin ən xoşbəxt günüdür. Şəxsən mənim üçün olduqca qürurlu bir gündür. Tək mənim yox, bizim kənd camaatının timsalında, deyərdim ki, bütün Azərbaycanımızın sevincli gündür".

E.Məmmədov bildirib ki, Qarabağ dirçəlir və yenidən qurulur:

“Ölkə başçımıza, ordumuza, bu torpaqlara qanı tökülən şəhidlərimizə borclu olduğumuzu unutmamalıyıq. Şükür edirik ki, bu gün azad Qarabağımızdayıq. Öz ata-baba yurdumuza qayıtdıq. Uşaqlığımızın keçdiyi o doğma həyət-bacamızda qayğısız günlər yaşayacağıq".

Oxşar xəbərlər

Ballıcaya köçən sakin: "Bu gün xəyalımız, ən böyük arzumuz gerçəkləşib"

Şuşaya qayıdan sakin: Bu günü 32 il həsrətlə gözləmişik

Sabah Xocalının Ballıca kəndinə ilk köç olacaq

Xocalı sakini: 32 ildən sonra doğma torpaqda səs vermək qürurlandırır

Cəbrayıl sakini: "Ən böyük arzumuz bu gün çin olur"