Bu gün Bakı Dövlət Universitetinin (BDU) Jurnalistika fakültəsində Mətbuat Şurası İdarə Heyətinin üzvü, Sizinxeber.az Media Groupun baş direktoru Vüsalə Mahirqızı ilə görüş keçirilib.

Sizinxeber.az-nın məlumatına görə, fakültədə fəaliyyət göstərən Mətbuat Şurası otağında baş tutan görüşdə iştirak edən dekan Vüqar Zifəroğlu fakültədə mütəmadi olaraq tanınmış jurnalistlərlə görüşlər keçirildiyini qeyd edib. O bildirib ki, Mətbuat Şurası İdarə Heyətinin üzvləri ilə də davamlı görüşlər keçirilir, bundan sonra da bu görüşlər davam etdiriləcək.

Öz növbəsində, Vüsalə Mahirqızı yeni yaradılan Sizinxeber.az Jurnalist Məktəbi barədə tələbələrə məlumat verib. O, həmçinin, müasir media trendləri, ənənəvi medianın yeni mediaya transformasiyası, sosial mediada trendlər, gələcəkdə yaranması mümkün görünən sahələrlə bağlı jurnalistlərin araşdırmalı olduğu məsələlər barədə danışıb.
Daha sonra V.Mahirqızı tələbələrin suallarını cavablandırıb.

Oxşar xəbərlər

Mətbuat Şurası professor Nəsiman Yaqublunun vəfatı ilə bağlı başsağlığı verib

Nəsiman Yaqublu ilə vida mərasimi keçirilib - FOTO

Mətbuat Şurası: Seçki ilə bağlı jurnalistlərdən "Qaynar xətt"ə müraciət daxil olmayıb

Professor Nəsiman Yaqublu dəfn edilib FOTO - YENİLƏNİB