Mətbuat Şurası professor Nəsiman Yaqublunun vəfatı ilə bağlı başsağlığı verib.

APA xəbər verir ki, Mətbuat Şurası professor Nəsiman Yaqublunun vəfatı ilə bağlı nekroloq yayıb:

"Azərbaycan Mətbuat Şurasının İdarə Heyətinin üzvləri Bakı Dövlət Universitetinin Jurnalistika fakültəsinin Milli mətbuat tarixi kafedrasının professoru, dəyərli pedaqoq Nəsiman Yaqublunun vaxtsız vəfatından kədərləndiklərini bildirir, mərhumun ailə üzvlərinə, doğmalarına və əzizlərinə dərin hüznlə başsağlığı verir.

N.Yaqublu Azərbaycanda jurnalistikanın elmləşməsinə layiqli töhfələr verib. Alimin yaradıcılığında mətbuatımızın ictimai fikrin formalaşmasındakı müstəsna rolu vurğulanıb. Bütün bunların əksini tapdığı çoxsaylı kitablar və məqalələr ona nəinki elm ictimaiyyətində, bütövlükdə cəmiyyətdə rəğbət yaradıb.

Müstəqillik illərində ölkəmizdə peşəkar jurnalist nəslinin yetişməsində xidmətlərə malik N.Yaqublunun yoxluğu onu tanıyan hər kəs üçün böyük itki və üzüntüdür. MŞ İdarə Heyətinin üzvləri bu üzüntü və kədəri bölüşür, mərhumun doğmalarına, əzizlərinə və həmkarlarına səbr diləyir.

Allah rəhmət eləsin!".

Oxşar xəbərlər

Professor Nəsiman Yaqublu yol qəzasında ölüb - YENİLƏNİB [xfgiven_updateblue][/xfgiven_updateblue]

Professor Nəsiman Yaqublu yol qəzasında ölüb - YENİLƏNİB-2 [xfgiven_updateblue][/xfgiven_updateblue]

TƏBİB: “Tibbi müdaxilələrə baxmayaraq Nəsiman Yaqublunun həyatını xilas etmək mümkün olmayıb” [xfgiven_updateblue][/xfgiven_updateblue]

Prezident Qaraçay-Çərkəz Respublikasının müftisi İsmayıl Berdiyevin vəfatı ilə bağlı başsağlığı verib [xfgiven_updateblue][/xfgiven_updateblue]

Prezident İlham Əliyev Vyetnam liderinə başsağlığı verib [xfgiven_updateblue][/xfgiven_updateblue]