Birinci Türkoloji Qurultayın Türk dünyası üçün nə dərəcədə əhəmiyyətli bir anlayış olduğu bir daha nümayiş olunur.

"Report" xəbər verir ki, bunu mədəniyyət naziri Adil Kərimli Türkoloji Qurultayın 100 illik yubileyinə həsr olunmuş "Türk Dünyası Həftəsi"nin ikinci günündə çıxışı zamanı deyib.

Nazir bildirib ki, Azərbaycan dövləti bu irsə hər zaman ehtiram və diqqət göstərib: "Birinci Türkoloji Qurultay siyasi-ictimai anlayışdan əlavə, həm də böyük bir mədəni dəyərdir. Düşünürəm ki, biz hər birimiz bu irsə, mirasa sahib çıxmalıyıq".

A.Kərimli "Türk Dünyası Həftəsi" çərçivəsində aparılan müzakirələrin əhəmiyyətinə də toxunub: "Bütün bunların hər biri bu elmi-mədəni irsin qorunmasına, inkişafına xidmət edir. Bu ideya ətrafında birləşmək, ona töhfə vermək, hesab edirəm, hər birimizin borcudur".

Mədəniyyət naziri türkologiya elmi və milli kimlik istiqamətində alimlərdən gözləntilərin böyük olduğunu da əlavə edib.

Oxşar xəbərlər

İsa Həbibbəyli: Türk dünyası anlayışı Birinci Türkoloji Qurultayda formalaşıb

Adil Kərimli: Yubileyin dövlət səviyyəsində qeyd olunması Azərbaycanın ortaq Türk irsinə verdiyi dəyərin bariz nümunəsidir

"Türk Dünyası Həftəsi"nin ilk gününün icmal videosu yayılıb

Birinci Türkoloji Qurultayın 100 illiyi UNESCO-nun Parisdəki qərargahında qeyd olunacaq

Şavkat Mirziyoyev: Birinci Türkoloji Qurultay türk xalqlarının həyatında yeni dövrün əsasını qoyan hadisə olub