"Bloomberg": Fars körfəzindən Hörmüz vasitəsilə 14 milyon barrel İraq nefti çıxarılıb

Yaxın Şərqdəki münaqişə səbəbindən tədarükü ləngimiş təxminən 14 milyon barrel İraq nefti ABŞ və İran arasında atəşkəs rejimi fonunda Hörmüz boğazında gərginliyin azalmasından sonra, son 10 gün ərzində Fars körfəzindən çıxarılıb.

"Report" xəbər verir ki, bu barədə "Bloomberg" məlumat yayıb.

Agentliyin məlumatına görə, İraq nefti daşıyan gəmilər iyunun ikinci yarısında Fars körfəzini tərk edib, Asiya, Avropa və ABŞ-dəki alıcılara doğru yönəlib.

Çıxarılmış neftin həcmi 10 günlük müddət ərzində sutkada təxminən 1,4 milyon barelə bərabərdir.