Avropa İttifaqı blok daxilində banklar arasında vəsaitlərin hərəkətinə mane olan tənzimləyici məhdudiyyətləri aradan qaldırmağı planlaşdırır.

"Sizinxeber.az"un məlumatına görə, "Financial Times" bu barədə Avropa Komissiyasının hesabat layihəsinə istinadən məlumat yayıb.

Hesabata görə, Aİ bank sektorunun rəqabət qabiliyyəti ilə bağlı hesabat layihəsində yer alan təkliflər Avropa kredit təşkilatlarının Amerika rəqibləri ilə müqayisədə səmərəliliyini artırmağa yönəlib. Xüsusilə, kredit reytinqi olmayan şirkətlərə ipoteka və kreditlər üçün kapital tələblərinin yumşaldılması ehtimalı nəzərdən keçirilir.

Qeyd olunur ki, sənəddə həmçinin bank əmanətlərinin sığortalanması sistemində islahatların aparılması və investisiya şirkətləri üçün kapital tələblərinin yenidən nəzərdən keçirilməsi nəzərdə tutulur.

Avropa Bank Federasiyasının məlumatına görə, mövcud tənzimləyici məhdudiyyətlər kreditləşməni dayandırır və Aİ-nin investisiya boşluğu ildə 1,4 trilyon avro olaraq qiymətləndirilir.

Təşkilat hesab edir ki, mövcud sistem bankları milli törəmə müəssisələrdə artıq kapital və likvidlik saxlamağa məcbur edir.

"The Financial Times" həmçinin qeyd edir ki, yeni təkliflər bank qruplarına xaricdə resursların bölüşdürülməsində daha çox çeviklik təmin edə bilər. Bu, öz növbəsində, milli tənzimləyici tələblərlə bağlı məhdudiyyətləri aradan qaldırmalıdır.

Oxşar xəbərlər

"Bir Kredit" BOKT maliyyə vəziyyətini açıqlayıb

“Moody's” Azərbaycanda bank sektorunun konsolidasiyasının davam edəcəyini gözləyir

Azərbaycandakı bankların kredit portfelinin məbləğinə görə renkinqi (01.04.2026)

Azərbaycan iqtisadiyyatına kredit qoyuluşunda özəl bankların payı 70%-ə yaxınlaşıb

"S&P": Azərbaycan növbəti 2 ildə risk qiymətləndirməsinə əsaslanan bank nəzarətinə keçəcək