Böyük Britaniyanın investisiyalar üzrə dövlət naziri Ceyson Stokvud Azərbaycanda keçirilən görüşləri və danışıqları müsbət qiymətləndirib.

Bu barədə "Sizinxeber.az"a Böyük Britaniyanın Bakıdakı səfirliyindən məlumat verilib.

Diplomatik missiyadan qeyd edilib ki, səfər çərçivəsində Stokvud özəl və dövlət sektorunun əsas tərəfdaşları – Azərbaycan Dövlət Neft Fondu, Bakı Fond Birjası, İqtisadiyyat iqtisadiyyat naziri ilə görüş keçirib.

"Böyük Britaniya və Azərbaycan arasında sıx və uzunmüddətli münasibətlər mövcuddur. Bakıya ilk dəfə səfər etməkdən və əsas investorlar və hökumət rəsmiləri ilə görüşməkdən məmnunam. Böyük Britaniya Azərbaycanda təkcə ən böyük investor deyil, həm də ölkə ilə ticari-iqtisadi əlaqələrini genişləndirməyə davam edir", - dövlət naziri bildirib.

O qeyd edib ki, müzakirələr iki ölkə arasında investisiya və maliyyə əməkdaşlığının dərinləşdirilməsi üçün yeni imkanların açılmasına yönəlib:

"Strateji Tərəfdaşlığımız çərçivəsində təmiz enerji, maliyyə xidmətləri və infrastruktur kimi sahələrdə ikitərəfli ticarət və investisiyaları artıracağıq – bu isə hər iki ölkədə yeni iş yerlərinin və imkanların yaranmasına töhfə verəcək".

Oxşar xəbərlər

Yaxın vaxtlarda Azərbaycan-Böyük Britaniya Hökumətlərarası Komissiyasının növbəti iclası keçiriləcək

Nazir: Britaniya ilə Azərbaycan ikitərəfli ticarət və investisiyaları artıracaq

Britaniyanın xarici işlər naziri Çinə səfər edəcək

Hikmət Hacıyev Britaniyanın rəsmi şəxsləri ilə görüşüb

Böyük Britaniyanın müdafiə naziri istefa verib